இசை ஆல்பங்களின் உலகில் அசைக்க முடியாத ஒரு பெயராக இடம் பெற்று விட்டது TBB என்டர்டெயின்மென்ட். லண்டனைத் தலைமையிடமாகக் கொண்டு செயல்பட்டு வரும் டி.பி.பி யின் இசைப்பயணம் கடந்த பத்து ஆண்டுகளாக வளர்ச்சிப் பாதையில் சென்று கொண்டிருக்கிறது. கடந்த சில ஆண்டுகளில் வெளியான கள்வன், மாயவன், ஒன்வே, பைரவன் யூகே 2 மதுரை போன்ற இசை ஆல்பங்கள் இசை உலகில் டி,பி.பி யை மிக உயர்ந்த இடத்தில் அமர வைத்திருக்கிறது. இசையமைப்பாளர் சஞ்சேயின் புதுமை கலந்த இசையில், வசீகரிக்கும் சிறப்புக் குரல்களும், இளமை வரிகளும் தமிழிசையின் தனி இடத்தை டிபிபிக்கு வழங்கியிருக்கிறது.
இசை ஆல்பங்களைத் தொடர்ந்து டிபிபி வெளியிட்ட வீடியோ ஆல்பங்களும் காட்டில் விழுந்த கனலைப் போல சடசடவென இலட்சக்கணக்கான ரசிகர்களைக் கவர்ந்து இழுத்து பிரமிக்கும் வெற்றியை எட்டிப் பிடித்துக் கொண்டிருக்கிறது. சென்னையிலுள்ள தர்ஷனா பரதநாட்டியப் பள்ளியுடன் இணைந்து டி.பி.பி தயாரிக்கும் பரதநாட்டிய வீடியோ ஆல்பங்கள் டி.பி.பி யின் கலைத் தாகத்தை வெளிப்படுத்துகிறது.
